AURKIBIDEA
Ondoko irudia Debako armarria da. Hiru dorreko gaztelu bat erdian kokatzen da eta gazteluaren albo bakoitzean lehoi bat dago.
Armarria herriko hainbat tokitan aurkitzen da:
Deba Gipuzkoako kostaldean kokatzen den herri txiki bat da. Iparraldean Kantauriar itsasoa du, eta bertan Deba ibaia itsasoratzen da. Haran batean aurkitzen denez, mendiz inguratuta dago, hala nola Andutz. Ekialdean Zumaia eta Zestoa aurkitzen dira; hegoaldean, Azkoitia eta Azpeitia eta mendebaldean, Mutriku eta Mendaro.
Horrez gain, flysch-aren zati handi bat Deba herriak hartzen duen kostaldeko zatian aurkitzen da.
Debako ondare naturaletatik garrantzitsuenetariko bat hondartza da, hain zuzen. Berez bi hondatza daude, bata bestearen ondoan, eta elkartuta geratzen dira marea jaisten denean. Hondartzak planak egiteko aukera asko eskaintzen ditu; adibidez, eguzkia hartzera joan gaitezke, baino bat ematera, uretako kirolak praktikatzera, igeri egitera, bertan bazkaltzera... Zerrenda amaigabea da.
Deban hainbat monumentu aurki ditzakegu, balio historikoa dutenak. Esate baterako, Santa Maria elizako klaustroa Gipuzkoako zaharrena da. Itziarrerantz abiatuz zenbait ermita ere topa ditzakegu, eta niri neuri Santa Katalinako ermita politena iruditzen zait, izugarrizko bistak baitaude bertatik.
